Սույն թվականի հունիսի 9-ին քաղաքացիական ծառայության գրասենյակի ներկայացուցիչները մասնակցել են ՄԱԶԾ և ՀՀ Փոխվարչապետի գրասենյակի կողմից համատեղ իրականացվող «Գենդերային հավասարությունը հանրային կառավարման ոլորտում» ծրագրի շրջանակում կազմակերպված միջոցառմանը:

Հանդիպման շրջանակում GEPAA ծրագրի թիմը նախաձեռնել է համատեղ մշակման միջոցառում շահագրգիռ կողմերի հետ, որի ընթացքում քննարկվել են պետական կառավարման համակարգում անձնակազմի կառավարման ավանդական խնդիրները այլընտրանքային տեսակետներով, լրացուցիչ գաղափարներով և նորարարական լուծումներով հարստացնելու հնարավորությունները:

Միջոցառման ընթացքում քննարկվել են քաղաքացիական ծառայության համակարգում անձնակազմի հոսունության պատճառներին, անձնակազմի պահպանման հնարավոր ուղիներին առնչվող հարցեր, ինչպես նաև՝ ՀՀ պետական կառավարման համակարգում գենդերային հավասարության մեխանիզմների մշակման և ներդրման հնարավորությունը:

Ծրագիրն իրականացվում է 2019 թվականից ի վեր և նպատակ է հետապնդում նպաստել ՀՀ-ում գենդեր զգայուն հանրային կառավարման համակարգի կայացմանը: