Հոկտեմբերի 2-ին, Քաղաքացիական ծառայության գրասենյակի ղեկավար Գարուշ Դավթյանն ընդունեց Եվրոպայի Խորհրդի հայաստանյան գրասենյակի «Հայաստանում Կոռուպցիայի դեմ պայքարի և կանխարգելման ինստիտուցիոնալ կարողությունների հզորացման» ծրագրի ղեկավար՝ Տաթևիկ Բարսեղյանին։ Քննարկումների արդյունքում կողմերը պատրաստակամություն հայտնեցին, որ հետագա համատեղ գործողություններն ուղղված են լինելու Հանրային ծառայության համակարգում կոռուպցիայի կանխարգելմանը, վերապատրաստումներին և բարեվարքության ինստիտուտի ամրապնդմանն ու զարգացմանը։ Կողմերը վստահեցրին, որ նախատեսվող միջոցառումները լիովին համապատասխանում են ՀՀ կոռուպցիայի կանխարգելման օրակարգին և մոտ ապագայում ունենալու են հստակ գործողությունների ծրագիր։