Հայաստանի Հանրապետության վարչապետի աշխատակազմի քաղաքացիական ծառայության գրասենյակի ներկայացուցիչ Նարեկ Կամենդատյանը մասնակցել է նոյեմբերի 15-ին Ուզբեկստանում կայացած միջազգային գիտագործնական համաժողովին: Համաժողովը կազմակերպվել է Աստանայի Քաղաքացիական ծառայության ՀԱԲ-ի կողմից և անցկացվել է «Մարդկային ռեսուրսների կառավարումը քաղաքացիական ծառայության բարեփոխումների համատեքստում. միջազգային պրակտիկան և Ուզբեկստանի փորձը» խորագրով: Քաղաքացիական ծառայության գրասենյակի ներկայացուցիչը ներկայացրել է «Տեղեկատվական տեխնոլոգիաները որպես պետական համակարգի թվայնացման և թափանցիկության հասնելու միջոց» թեմայով զեկույց, որի ընթացքում անդրադարձել է քաղաքացիական ծառայության համակարգի թվայնացման հայաստանյան փորձին, պետական համակարգում առկա էլեկտրոնային ծրագրերին, ինչպես նաև՝ այժմ մշակման փուլում գտնվող մարդկային ռեսուրսների կառավարման և տեղեկատվական հարթակին: Ելույթում արծարծված հարցերը մեծ հետաքրքրություն են առաջացրել գործընկեր կառույցների ներկայացուցիչների մոտ: