Նոյեմբերի 28-ին վարչապետի աշխատակազմի քաղաքացիական ծառայության գրասենյակում տեղի է ունեցել հանդիպում ԱՄՆ միջազգային զարգացման գործակալության ներկայացուցչի և գործակալության կողմից ներգրավված միջազգային փորձագետների հետ:

Հանդիպման ընթացքում քննարկվել են քաղաքացիական ծառայողների բարեվարքության համակարգին առնչվող հարցեր, ինչպես նաև՝ անդրադարձ է կատարվել Հայաստանի Հանրապետության հակակոռուպցիոն ռազմավարության և դրա իրականացման 2019-2022 թթ.-ի միջոցառումների ծրագրի շրջանակում վարչապետի աշխատակազմի քաղաքացիական ծառայության գրասենյակի կողմից իրականացվող աշխատանքներին:

Փորձագետներն իրենց պատրաստակամությունն են հայտնել տեղեկատվական և խորհրդատվական օժանդակություն ցուցաբերել քաղաքացիական ծառայության գրասենյակին՝ հակակոռուպցիոն ռազմավարության շրջանակում վերջինիս կողմից իրականացվող աշխատանքներում:

Հանդիպման ավարտին պայմանավորվածություն է ձեռք բերվել հետագա համագործակցության ուղղությունների և ձևաչափի վերաբերյալ: